به‌ ناوی کوردستانی گه‌وره‌ .

ح. س. سۆران

soransa@hotmail.com

 

تاران 8/8/ 2707

 

 

به‌کار بردنی مانگه‌ عاره‌بیه‌کان هه‌ڵه‌یه‌!!!

(کورت و ورد)

 

قوربان گیان وه‌ک ما‌مه‌ خه‌مه‌ ، سه‌دان ناته‌یاری زله‌ و چکۆله‌مان هه‌یه‌ : دڵه‌خورپێی رامیاری ، دڵه‌راوکێی فه‌رهه‌نگی ، کێشه‌ی زمانه‌وانی و زۆر په‌ژاره‌ ، خه‌فه‌ت و بیرۆکه‌ی دیکه‌ ، که‌ به‌ پێچه‌وانه‌ی یاسای ژماره‌وانی ( ریازی ) ، هه‌تا به‌ که‌وچکی ئه‌ندێشه‌ ، له گۆلی ئه‌م ناته‌باییانه‌ ، شت هه‌ڵ ده‌گوێزی، هه‌ست ده‌که‌ی زۆرتری تێدا ماوه‌ !!!

 

ئه‌گه‌ر باسیشیان ئه‌که‌ین ، زمانمان ده‌سووتێ و ئه‌گه‌ر خۆشیان لێ گێل ده‌که‌ین ، مێشکی ئێسقانمان . به‌ڵام هه‌ر چۆن بێ ، زمان سووتان ( یا سووتاندن) ، باشتره‌ له‌وه‌ی دی . وتووشیان زمانی سوور ، سه‌ری سه‌وز ده‌دا به‌با .

 

ئه‌ز زۆرم پێ هه‌ڵه‌یه‌ ‌ ، کاتێک بۆخۆمان زمانمان هه‌یه‌ ، ناوی زۆر شیاو و جوانی کوردیشمان بۆ مانگه‌کان هه‌یه‌ ، هێشتا له‌ باشووری کوردستان ، که‌ خاوه‌نی ده‌ڵه‌مه‌ بڕیاریشن ، هه‌‌ر ناوی عاره‌بی ، تورکی و رۆمی ، بۆ مانگه‌کان به‌کارده‌به‌ن !!! چوار به‌شه‌که‌ی دیکه‌ی کوردستان ، جارێ با له‌ولاوه‌ بوێستێ .

 

حه‌یف نیه‌ له‌ باتی ئه‌م مانگه‌ پڕواتا و ره‌سه‌نه‌ کوردیانه‌ ، ئه‌و مانگانه‌ی خواره‌وه‌ به‌کار به‌رین ، که‌ که‌م کورد ده‌زانێ یانی چی : ناوی مانگه‌ کوردیه‌کان : خاکه‌ لێوه‌ ، گوڵان ( با‌نه‌مه‌ڕ ) ، جۆزه‌ردان ، پووشپه‌ڕ ، گالاوێژ ، خه‌رمانان ، ره‌زبه‌ر ، گه‌ڵارێزان ( خه‌زه‌ڵوه‌ر) ، سه‌رماوه‌ز ، به‌فرانبار ، رێبه‌ندان و ره‌شه‌مه‌ .

 

ئه‌مه‌ش لزگه‌ی ناوی مانگه‌ بیانیه‌کان .



  January   :  Kanun II    Kanun-i-Sani     Ocak .  February : Shubat   ,  Shubat   , Shubat .
  March  : Adhar  , Mart  , Mart .   April : Nisan , Nisan, Nisan .  May : Ayyar , Majis ,  Mayis.
  June  : Haziran, Haziran , Haziran .   July :Tammuz,Temmuz , Temmuz .   August: Ab,Aghustos,         Aghustos.   September :Ilul, Ejlul, Eylul .   October :Tishrin I, Teshrin-I,Ewwel  Ekim .   November : Tishrin II ,  Teshrin-i-Sani  , Kasim .   December:   Kanun I     Kanun II , ?

 

 

وه‌ڵاممان چییه‌؟